हड्ताल याःगु द्वपनय् कतराय् नेपाःमितय्त कुनाबिल

कतारया अध्यागमन ज्याकूथीं न्यान्हु न्ह्यःनिसें सच्छि स्वयां अप्वः नेपाःया कामदारतय्त ज्वनाः कुनातःगु दु । अन वना ज्या यानाच्वंगु कम्पनीइ कानून विपरित हड्ताल याःगु द्वपं बियाः नेपाःमिंतय्त ज्वनाः कुनातःगु खँ कतारस्थित नेपाःया दूतावासं धाःगु दु । छगू कम्पनीया निगू हलय् नेपाःमितय्त कुनाःतगु व पिने पुलिसं घेरे यानातःगु खँ छम्ह कुनातःम्ह नेपाःमिं धाःगु दु । थुकीया बारे नेपाल सरकारं आः तक छुं नं कथंया पलाः न्ह्याकूगु मदुनि ।