उप व गृहमन्त्रालय् गच्छदारया दाबी
मधेशी जनअधिकार फोरमया संसदीय दलया नेता विजयकुमार गच्छदारं उप-प्रधानमन्त्री व गृहमन्त्री बीत कांग्रेस सभापति गिरिजाप्रसाद कोइराला नाप इनाप यानादीगु दु ।
बिहिवाः कांग्रेस सभापति गिरिजाप्रसाद कोइरालायात नापलानाः वयेकलं फोरम नाप न्हापा कांग्रेस व एमालें याःगु सहमति कार्यान्वयन यायेत माग यानादीगु खः । एमाले सराकारयात बहुमत खाकेत गच्छदार नाप उप व गृह मन्त्रालय् बीगु सहमति जूगु खः । वयेकलं न्हापा जूगु वहे सहमति कथं उप प्रधानमन्त्री व गृहमन्त्री थःत बीत इनाप याःगु ख: ।
कोइराला निवासय् थ्यंकादिम्ह गच्छदारयात कांग्रेस सभापति कोइरालां गृहमन्त्रालय् मदुसां सरकारयात ब्यूगु समर्थत लित माकेत इनाप यानादीगु खः । नेता गच्छदारं मन्त्रालय् तःधंगु खँ मजूसां न्हापा जूगु सहमति कार्यान्वयन जुइमाःगु धासें गृहमन्त्रालय मदुसां सरकारयात ब्यूगु समर्थन लित मकायेगु धयादिल ।
