अनिवार्य रूपं बजाः अनुगमन यायेत कर अधिकृततय्त निर्देशन
आन्तरिक राजस्व विभागं स्वनिगःया सच्छि व न्यय्म्ह कर अधिकृतयातय्त वाःया छक्व अनिवार्य कथं सहायक कर्मचारीनापं बजाः अनुगमनय् वनेत निर्देशन बिउगु दु । छवाःया दुने कर अधिकृततय्सं न्यागू निंसें झिगू तक कारोवार अनुगमन यायेमाःगु नं विभागं धाःगु दु ।
विभागं आइतवाः दक्वं आन्तरिक राजस्व व करदाता सेवा ज्याकूया प्रमुखयात सःता तत्काल बजाः अनुगमन यायेत व कारवाहीयात प्रभावकारी द्येकेत निर्देशन बिउगु खः । बजारय् बस्तु व सेवाया कारोवारय् मूल्य अभिवृद्धि कर बिल मबिइगु, नक्कली बिलबिजक बिइगु, आम्दानीया हिसाव किताव बांलाक मतइगु, छेँबहाःया कर मपुलिइगु, शिक्षा सेवा कर मपुलिइगु व करया दायराय् वइपिं दक्व क्षेत्रयात अनुगमन यायेगु विभागया महानिर्देशकं निर्देशन बियादीगु खः ।
थ्वस्वयां न्ह्यः भ्याट बिल प्रकरणय् लाःपि न्यासः व झिंच्यागू फर्ममध्ये अनुसन्धान याये ल्यँदगु न्यय्गू फर्मया अनुसन्धान थ्वहे महिना दुने सिधेकित नं विभागं निर्देशन बिउगु दु ।
