भारतीय अतिक्रमण विरुद्ध दूतावासय् धर्ना
येँ / (सन्ध्या टाइम्स) नेपाःया सीमा दांगय् भारतीय सुरक्षा बल एसएसबीं भूमि अतिक्रमण यानाः नेपाःमितय्त लिना हःगु विरोधय् थौं थीथी राजनीतिक पार्टीतय्सं भारतीय राजदूतावासय् धर्ना बिल । जनमोर्चा नेपाल, रेभुलुसनरी लेफ्ट विङ्ग व जनमोर्चा नेपालं उगु धर्ना बिउगु खः । थ्व सम्बन्धय् माओवादीं थौं ४ बजे रत्नपार्कय् प्रदर्शन यायेत्यंगु दुसा कन्हय् सर्वदलीय बैठक सःताः थ्व बारे सहलह यायेत्यंगु दु ।
भारतीय सुरक्षा बलया जवानतय्सं दांगया नेपाली भूमिइ वयाः नेपाःमि जनतायात यातना बीगु नापं मिस्तय्त अपहरण यानाः यौन शोषण समेत याःगु खँ पिहां वःगु दु ।
