नेवाः एफएम कंसंनिसें
येँ / (सन्ध्या टाइम्स) नेपालभाषा एकेदमिपाखें साचालन जुइत्यंगु नेवाः एफएम कंस शुक्रवाःनिसें प्रशा-रण जुइत्यंगु दु । ताः ई न्ह्यवंनिसें चर्चाय् वयाः नं प्रशारण याये मफयाच्वंगु थ्व एफएम आः कंसंनिसें प्रशारण शुरु यायेत्यनागु खँ नेपालभाषा एकेदमिया सदस्य सचिव व एफएम संयोजक इन्द्र मालीं 'सन्ध्या टाइम्स' यात कनादिल ।
थ्व एफएम १०१.६ मेगाहर्जय् न्यने फइ । थुकियात नेपालभाषाया सम्पूर्ण गतिविधिया आधिकारिक एफएमया रुपय् विकास याना यंकेगु ग्वसाः दुगु खँ वय्कलं कनादीगु दु । थुकिया स्टेशन किपूया नेपालभाषा एकेदमिया ज्याकुथी हे चायेकूगु दु ।
थुकी नेपालभाषाया थीथी भाषिक खलः पुचःलिसें जातीय संस्थातय्सं नं ज्याझ्वः साचालन याये फइगु जानकारी वय्कलं बियादिल ।
