चीहाकःसां चिनियाँ प्रमया नेपाः भ्रमण उपलव्धीमुलक
नेपाःया शान्ति स्थापनाया लागि चीनपाखें नेपाःयात एघार करोड नब्बे लाख अमेरिकी डलर ग्वहालि याइगु जूगु दु । शनिवाः न्याघौया लागि नेपाः झाःम्ह चिनियाँ प्रधानमन्त्री वेन जियाबाओलिसे थुगु खँ सम्झौता जूगु खः ।
चीहाकःगु ईया लागि वःगु जूसा चिनियाँ प्रमया नेपाः भ्रमण आपसी सम्बन्ध बांलाकेत व नेपाःया शान्ति स्थापनाया लागि महत्वपूर्ण जूगु दु । नेपालया शान्ति प्रकृया र संबिधान निर्माण प्रकृयाप्रति चीन न्ह्यबलें आशावादी जूगु खँ थुगु भ्रमणं क्यंगु दु धकाः विज्ञतय्सं धाःगु दु । नेपालया आर्थिक विकाशका लागि चीनं थःत छम्ह मुख्य साझेदार व सहयोगीया रुपय् न्ह्यब्वये चाहे जूगु व चीनं नेपाल व भारतदथुया सम्बन्ध नं बांलायेमा धकाः चाहे जूगु खँ थुगु भ्रमणं क्यंगु दु ।
वय्कःया भ्रमणया झ्वलय् नेपाल व चीनदथुइ थीथी च्यागू सम्झौताय् हस्ताक्षर जूगु दु । हस्ताक्षरित सम्झौताय् नेपाल-चीन सीमा क्षेत्रया सुख्खा बन्दरगाह व्यवस्थापन, सीमा क्षेत्रया बासिन्दां चरण क्षेत्रया उपयोग यायेदइगु सुविधा, निगुलिं देय्या विदेश मन्त्रालयबीच सहयोग आदानप्रदान विषयय् केन्द्रीत खः । अथे हे आर्थिक व प्राविधिक सहयोग प्रवर्द्धन, सशस्त्र प्रहरी बलया लागि प्रशिक्षण प्रतिष्ठान स्थापना, गृह मन्त्रालयमार्फत बिइगु यानाः नेपाल प्रहरीयात आवश्यक उपकरणलगायत भौतिक सामग्री प्रदानसम्बन्धी स्वंगू ब्यागलं ब्यागलं समझदारी पत्रय् नेपालपाखें अर्थमन्त्री वर्षमान पुन व चिनियाँ अर्थमन्त्री दथुइ हस्ताक्षर जुल । अथे हे, सांस्कृतिक आदानप्रदान व ऋण व्यवस्थापनका लागि संयन्त्र पलिस्था यायेगु सम्बन्धी नं हस्ताक्षर जूगु दु ।
Related Stories
चिनिया प्रम संचवाः नेपाः वइगु
