झिन्हुयंकंया न्वचु तालिम न्ह्यात
ख्वप / (सन्ध्या टाइम्स) भक्तपुर बचत तथा ऋण सहकारी संस्थाया ग्वसालय् झिन्हुयंकंया न्वचु कला तालिम संस्थाया उपाध्यक्ष बलराम प्रजापितं उलेज्या यानादिल । ज्याझ्वलय् वय्कलं संस्थां सामाजिक गतिविधियात निरन्तरता बिया वनेमाःगु खँ कनादिल ।
संस्थाया प्रबन्ध निर्देशक जगनाथ प्रजापितं वर्तमान अवस्थाय् बचत व ऋण संस्थात अनियन्त्रित रुपय् अप्वयच्वंगुलिं गुगु संस्था व्यक्तिगत लाभया लागिं व गुगु संस्था सामुदायिक हीतया लागिं नीस्वंगु खः धइगु सीकाः तयेमाःगु खँ कनादिल ।
ज्याझ्वलय् उद्घोषण संघ नेपालया अध्यक्ष उद्धवबहादुर अर्याल संस्थाया कानूनी सल्लाहकार रामप्रसाद प्रजापति युवा तथा अतिरिक्त कि्रयाकलाप उपसमितिया राजेश प्रजापितं नं न्ववानादीगु खः । ज्याझ्वलय् पीम्ह ल्याय्म्ह ल्यासेत सहभागी जुयाच्वंगु दु ।
