ख्वपय् इसाईतय् गणतन्त्र दिवस
ख्वप / (सन्ध्या टाइम्स) ख्वपया ल्याय्म्ह ईसाईतय्सं अलग्ग हे गणतन्त्र दिवस हन । उमिसं ख्वपय् स्वन्हुयंकंया महोत्सव याना थुगुसीया गणतन्त्र दिवस हन । उकियात उमिसं निक्वःगु गणतान्त्रिक महोत्सव धाःगु खः । महोत्सवया न्हापांगु दिं जेठ १५ गते नेपाली इसाई मण्डलीया पाष्टर सामुयल कार्थकं पुलांगु सोचं न्हूगु नेपाः सिर्जना मजुइगु सन्देश न्यंकूगु खःसाः निन्हु कुन्हु जेठ १६ गते शनिवाः नेपाली सुसमाचारीय मण्डली परिषद् नेपालया संयोजक चन्द्रं श्रेष्ठं ल्याय्म्हतय् आस्था व महत्व बारे कनादिल । लिपांगु दिं जेठ १७ गते आइतवाः कुन्हु नेपाली इसाई मण्डलीया पाष्टर घनश्याम दाहालं देशया लागिं ल्याय्म्हतय् महत्व कनादिल ।
