वैदेशिक रोजगारया निंतिं न्हूगु प्रणाली
येँ / (सन्ध्या टाइम्स) वैदेशिक रोजगारया निंतिं म्यानपावर कम्पनीपाखें पिहां वनीपिं ज्यामितय्के थीथी कथंया अनियमितता यानाच्वंगुलिं सरकारं व्यवस्थित प्रणाली लागू याइगु जूगु दु ।
सरकारं आः लागू यायेत्यंगु थुगु प्रणाली इजरायल वनीपिं ज्यामितपाखें शुरु यायेत्यंगु दु । सरकारं रोजगारया निंतिं पिहां वनीपिंत अझ अप्वः जिम्मेवार यायेगु ल्याखं थुगु प्रणाली लागू यायेत्यंगु खः ।
सरकारं रोजगारया निंतिं पिहां वनीपिं ज्यामितय्त ठगे यायेगु व लाक्वपाक्व दां म्हयेगु प्रवृत्तिया विरुद्ध नं थुगु प्रणाली लागू यायेत्यंगु खः । सरकारं रोजगारया निंतिं इजरायल वनेत २ लाख ४० जक कायेगु व्यवस्था यानातःसां म्यानपावर एजेन्सीं च्यागू लाख तक कयाः मनू छ्वयेगु यानाच्वंगु दु ।
थुगु प्रणाली लागू याये न्ह्यः श्रम विभाग वैदेशिक रोजगार प्रवद्र्धन बोर्ड रोजगार व्यवसायी संगठन इजरायलस्थित नेपाली दुतावासया प्रतिनिधि सहितया छगू उच्च स्तरीय समिति गठन यानाः स्मस्या अध्ययन याइगु जूगु दु ।
