निर्वाचन आयुक्त पाखरेल पाखें राजीनामा

प्रमुख निर्वाचन आयुक्त भोजराज पोखरेलं बुधवाः थःगु पद पाखें राजीनामा बियादीगु दु ।

थौं निवार्चन आयोगया ज्याकूथी पत्रकार सम्मेलन यानाः वयेकलं राजीनामा यानादीगु जानकारी बियादीगु खः । वयेकलं थम्ह संविधान सभा व उप निर्वाचन सफलतापूर्व याकाःगु धासें आः थम्हं स्वतन्त्र व्यक्तया जीवन हनीगु खँ धयादिल ।

थःगु कार्यावधि अझ स्वदँ ल्यं हे दनीम्ह पाखरेलं थःगु कार्यकालय् न्ह्याःगु निर्वाचन प्रणाली व आयोगया सुदृढीकरणं निरन्तरता दइगु व उकी निर्वाचनयात विश्वसनीय देयेकीगु नं विश्वास प्वंकादिल । अथेहे वयेकलं थःगु कार्यकालय् ग्वहालि यापिं सकसितं सुभाय् नं बियादिल ।

थौं हे वयेकलं थःगु राजीनामा पौ राष्ट्रपतियात लःल्हानादीगु दु ।