पुलांम्ह मन्त्री जोशीया मुद्दा सुरूनिसें स्वयेत सर्वोच्चया निर्देशन
सर्वोच्च अदालतं हदम्यादया कारण क्यना नेपाली कांग्रेसया नेता नापं पुलांम्ह मन्त्री गोविन्दराज जोशीया भ्रष्टाचार सम्बन्धी विशेष अदालतं खारेज याःगु मुद्दाया निर्णय उल्टे याःगु दु । आइतवाः न्यायाधीशद्वय तर्कराज भट्ट व सुशीला कार्कीया मंकाः इजलासं पुलांम्ह मन्त्री गोविन्दराज जोशीया मुद्दा सुरूनिसें स्वयेत व जोशीया मुद्दाय् हदम्याद लगेमजुइ कथं फैसला याःगु खः ।
जोशीयात स्वंगू करोड गुइस्वंगू लख व खुइनिद्वः तका भ्रष्टाचार याःगु दावी सहित अख्तियार दुरुपयोग अनुसन्धान आयोगं विशेष अदालयलय् मुद्धा दायर याःगु खः । तर, हदम्यादया कारण क्यना विशेष अदालतया तत्कालिन नायः भूपध्वज अधिकारी व सदस्यद्वय कोमलनाथ शर्मा व चोलेन्द्र शम्शेर ज.व.रां २०६३ कात्तिक ३० गते जोशीया मुद्दा खारेज यानाबिउगु खः । विशेष अदालतया निर्णयविरुद्ध अख्तियारं सर्वोच्च अदालतलय् पुनरावेदन तःगु खः ।
