प्रचण्ड पार्टी दुने अल्पमतय् : गजुरेल
एनेकपा (माओवादी)या सचिव सीपी गजुरेलं पार्टी अध्यक्ष पुष्पकमल दाहाल 'प्रचण्ड' पार्टी लाइन अःख वंगुलिं पार्टी दुने हे अल्पतय् लाःगु दावी यानादीगु दु । वय्कलं केन्द्रीय समितिया मुँज्याय् मतदान जूसा अध्यक्ष पक्षया नेतातय्सं हे वय्कःया विरुद्ध मतदान याइगु धयादिसें अध्यक्ष अल्पमतय् वंगु धयादिल ।
क्रान्तिकारी पत्रकार संघं शनविाः नुवाकोटया बट्टाय् याःगु पत्रकार सम्मेलनय् वय्कलं संस्थापन पक्षं सहमतिया नांमय् अत्मसमर्पण यानावनाच्वंगु द्वपं बियादिल । पार्टी अध्यक्ष व प्रधानमन्त्रीं क्रान्ति प्रति बेइमानी याःगुलिं थःपिं न्हूगु सरकारया पक्षय् दुगु धयादिल ।
मेगू छगू प्रशंगय् वय्कलं थःपिं शान्ति व संविधान विरोधी मजूसां थःपिंत उकथं हे प्रस्तुत यायेत स्वयाच्वंगु धयादिल । वय्कलं थःपिंसं जनविद्रोह यायेगु धाःसां उकीया मतलब हानं ल्वाभ ल्ह्वनेगु धइगु मखु धयादिल ।
