मंगोल नेसनल अर्गनाइजेसनया झिंन्हय्सित ज्वन
आपराधिक क्रियाकलापया योजना दयेकाच्वंगु आशंकाय् प्रहरीं भूमिगत मंगोल नेसनल अर्गनाइजेसनया झिंन्हय्म्हसित ज्वंगु दु । रुकुमया सदरमुकाम खलंगा बजाःया छगू होटलय् प्रशिक्षण ज्याझ्वः जुयाच्वंगु इलय् बिहीवाः बहनी इमित ज्वंगु खः । प्रहरीं उगु भूमिगत पुचःया केन्द्रीय दजुः सहित झिंन्हय्म्हेसित ज्वंगु खः ।
स्वला न्ह्यः जक अर्गनाइजेसनया अध्यक्ष उपेन्द्र घर्ति सहित स्वम्हेसित सैन्य पोशाक व युद्धया बन्दोबस्तीया ज्वलं सहित ज्वंगु खः । तर लिपा जिल्ला अदालत रुकुमं स्वम्हेसितं धरौटीइ त्वःतुगु खः ।
