फोरमं उप व गृह नपां गुंगू मन्त्रालय माग

मधेशी जनअधिकार फोरमं थःगु पार्टीयात उप-प्रधानमन्त्री, गृहमन्त्री नापं न्यागू मन्त्रालय व प्यंगू राज्य मन्त्री बीमाःगु माग याःगु दु ।

बुधवाः सुथय् प्रधानमन्त्री माधवकुमार नेपाल नाप नापलाय्गु झ्वलय् फोरम संसदीय दलया नेता विजयकुमार गच्छदारं थंज्याःगु माग याःगु खः । अथेहे नेता गच्छदारं फोरमया पाखें थःगु हे नेतृत्वय् सरकारय् ब्वति कायेगु खँ नं धयादिल ।

फोरम दुने सरकारय् अध्यक्ष उपेन्द्र यादवया नेतृत्वय् वनीगुकी संसदीय दलया नेता गच्छदारया नेतृत्वय् वनीगु धकाः तीव्र विवद जुयाच्वंगु ईलय् थौं प्रधानमन्त्री निवास थ्यंकाः नेता गच्छदारं थःगु हे नेतृत्वय् सरकारय् वनीगु व फोरमयात मुकं गुंगू मन्त्रालय बीत माग याःगु खः ।