माओवादीं देय्यंकया प्रशासनय् धर्ना
राष्ट्रपतिं सरकारया निर्णय विरुद्ध प्रधानसेनापति रुक्माङ कटवालयात ज्याय् लिहांवयेत ब्यूगु निर्देशनया विरोधय् माओवादीं राष्ट्रपतिं थ:गु पला: लित कायेमाःगु माग यासें बुधवाः देय्यंकया जिल्ला प्रशासन ज्याकूथी धर्ना ब्यूगु दु ।
माओवादीं राष्ट्रपतिं ल्ह्वंगु पलाः लित कायेत व प्रधानसेनापति कटवालयात कारवाही यायेत माग याःगु दु । सरकारं धासाः कटवालयात कारवाही लित कयाः पदय् च्वनाच्वनेत धाःगु दु । माओवादीं देय्या न्ह्यन्यागूलिं जिल्लया प्रशासन ज्याकू न्ह्यने बुधवाः निघौ धर्ना बिया दबाब ब्यूगु खः । धर्नाया कारणं जिल्ला प्रशासन ज्याकूया ज्या दक्वं ठप्प जूगु खः ।
येँय् याःगु प्रदर्शनय् माओवादीया केन्द्रीय नेतातय्सं नं ब्वति काःगु खः । येँय् याःगु धर्ना लिपा जूगु कोण सभाय् न्ववासें माओवादी सभासद् व केन्द्रीय दुजः झक्कुप्रसाद सुवेदीं सभामुख सुवास नेम्वाङं नं माओवादीं संसदय् दर्ता याकूगु संकल्प प्रस्ताव बारे संसदय् सहलह मयाकाः नगरिक सर्वोच्चताया उल्लंघन याःगु द्वपं बियादिल ।
