माओवादीयात शंका यायेगु थाय् दनी : कोइराला
नेपाली कांग्रेसया सभापति सुशील कोइरालां माओवादीयात अझ नं शंका यायेगु थाय् दनीगु खँ धयादीगु दु ।
नेपाल प्रेस युनियनं स्याङजाया वालिङय् बिहीवाः याःगु पत्रकार सम्मेलनय् कोइरालां न्हय्गू बुँदे सम्झौता कार्यान्वयन मयागुलिं माओवादी अझ नं शंकाया घेरा दुने लाःगु धयादिल । माओवादीया ज्यां शान्ति प्रक्रिया व संविधान निर्माण यायेगु ज्या पंग वःगुलिं नं शंका यायेगु थासय् दुगु वय्कलं धयादिल ।
मेगू छगू प्रशंगय् सभापति कोइरालां कांग्रेस संसदीय प्रणालीपाखें ल्यूने मवनीगु स्पष्ट यानादिसें संवैधानिक राष्ट्रपति व संसदपाखें निर्वाचित प्रधानमन्त्री दुगु शासकीय स्वरुपया पक्षय् कांग्रेस दुगु धयादिल ।
