बन्दया झ्वलय् निगः सवारी साधनय् तोडफोड

पुलांपि लाडकुतय्सं बिहीवाः आव्हान याःगु नेपाल बन्दया झ्वलय् थीथी थासय् सवारी साधनय् तोडफोड याःगु दु । बन्दया अवज्ञा याःगु धासें बन्दकर्तातय्सं सुथय् मकवानपुरय् ना. ४. ख. ४३४२ नम्बरया गाडी च्याका बिउगु खः । उखे पूर्व पश्चिम राजमार्गय् नं छगः ट्याक्सीइ तोडफोड यानाः बिउगु दु । स्वनिगलय् बन्दया आंशिक प्रभाव जक लाःगु खःसां स्वनिगः पिनेया जिल्लाया जनजीवन प्रभावित जूगु दु ।