ल्वाभ सहित प्यम्ह ज्वन

जनकपुर पिरडीचोकं मंगलवाः बहनी प्यम्हेसित ल्वाभ सहित ज्वंगु दु । ज्वंपिं नाप प्रहरीं छपू पेस्तोल, म्यागजिन छपू व गोल छगः लुइकूगु खः ।

ज्वंपिं धनुषाया जमुनिया-६ या झिंन्ह्यदँया शैलेन्द्र यादव, सपही-२ या नीनिदँया उमेस यादव, लक्ष्मीपुर-२ इन्द्रेश यादव व रतारपट्टी सिरसिया-१ या नीनिदँया रामकिशुन यादव खः ।

अथेहे मंगलवाः बहनी ११बजे चेक यायेगु झ्वलय् प्रहरीं अन निगः मोटरसाइकल नं ज्वंगु ख: । आः निगः मोटरसाइकल थप अनुसन्धनया निंति जिल्ला प्रहरी ज्याकू धनुषाय् तयातःगु दु ।