शुक्रवाः निसें पेट्रोलियम पदार्थया आपूर्ति सहज जुइगु
नेपाल आयल निगमं भारतया आयल निगम (आइओसी)यात डेढ अर्ब पुलेवं शुक्रवाः निसें पेट्रोलियम पदार्थया आपूर्ति सहज जुइगु खँ आयल निगमं धाःगु दु । कर्मचारी सञ्चय कोषपाखें निगमयात डेढ अर्ब त्यासा बिइवं निगमं उगु ध्यबा आइओसीयात छ्वःगु खः । वंगु आइतवाः निगम व लगानी कोष दथुइ जूगु सम्झौता कथं कोषं निगमयात उगु त्यासा उपलब्ध याकूगु खः ।
नेपाल आयल निगमं आइओसीयात ८० करोड स्वयां अप्व ध्यबा पुलेमफेवं आइओसीं पेट्रोलियम पदार्थया आपूर्ति बन्द यायेवं छुं ई न्ह्यः निसें नेपालय् पेट्रोलियम पदार्थया अभाव जूगु खः ।
