जीप दुर्घटनाय् निम्ह सीत

डोटीया कालामाण्डु गाविसं जन्ती ज्वना खुल्लेक गाविस पाखे वनाच्वंगु से. अ. ज. २६९ नम्बरया जीप मंगलवाः निन्ह्य सिलगढी नगरपालिकाया चिसापानीइ दुर्घटनाय् जुया निम्ह घटनास्थलय् हे सीगु दु । जिल्ला प्रहरी ज्याकू डोटीया कथं सिपिं खतिवडा–६ डोटीया छत्र दहाल व प्रताप बोगटी ख: ।

घटनाय् लानाः न्याम्ह गम्भीर घाःपाः जूगु दुसा मेपिं स्वीम्ह सामान्य अवस्थाय् दुगु खँ जिल्ला प्रहरी ज्याकू डोटीया प्रारम्भिक विवरणय् न्ह्यंथनातःगु दु । घाःपाः जुपिंत आः दिपायलस्थित सुजन अस्पतालय् वासः याकातःगु दु ।

पीम्ह यात्रुत ज्वनाः वःगु उगु जीप निस मिटर क्वये कुतुंवंगु खः । क्षमता स्वयां अप्व मनूत तयाः जीप चले याःगुलिं दुर्घटना जूगु खँ प्रहरीं धाःगु दु