चुनावय् बुगु झोंकय् स्वंगु राउन्ड हवाई फायर
नेकपा (एमाले)या भ्रातृ संगठन युवा संघया चुनावय् गोली चलेजूगु दु । येँ क्षेत्र नम्बर ७ (एमालेया क्षेत्र नम्बर ७ सोह्रखुट्टे, न्हू बजाः, सामाखुसी व बालाजु क्षेत्र)य् जुयाच्वंगु चुनावय् युवा संघया नायः पदय् पराजित उम्मेदवार फुर्वा तामाङं स्वंगु राउन्ड हवाई फायर याःगु खँ पुलिसं धाःगु दु । महानगरीय प्रहरी परिसर येँया निमित्त प्रहरी प्रमुख डिएसपी धीरजप्रताप सिंहया कथं चुनावय् नायः पद मेम्हस्यां त्याकेधुंका तामाङं हवाई फायर याःगु खः । तामाङं चुनावय् बुइधुंका सभा हलं पिने पिंहावयाः चाइनिज पेस्तोलं स्वंगु राउन्ड हवाई फायर याःगु खः ।
गोली फायर यायेधुंकाः तामाङ नापं न्हय्म्ह-च्याम्हसिया पुचः मोटरसाइकलय् च्वनाः फरार जूगु खः । हवाई फायरं मानवीय क्षति धासा छु नं मजूगु खँ डिएसपी धीरजप्रताप सिंहं धाःगु दु ।
