ब्रिटिश गोर्खातय्सं नेपाःया नागरिकता माग
निर्माणाधिन नेपाःया संविधानय् ब्रिटिश सेनाय् सेवा यानाः निवृत्त जुयाः ब्रिटिश नागरिकता काःपिं गोर्खा व इमि छेँजःपिन्त नेपाली नागरिकता कायम जुइगु विशेष व्यवस्था यायेत माग यानाः संयुक्त अधिराज्य बेलायतया ब्रिटिश गोर्खातय्सं मंकाः कथं बेलायत स्थित नेपाली राजदूतावास मार्फत छगू ज्ञापनपत्र पेश याःगु दु ।
महामाहिम राजदूत डा. सुरेशचन्द्र चालिसेया रहोवरय् मंकाः ज्ञापनपत्रय् ब्रिटिश गोर्खा वेलफयर सोसाईटीया अध्यक्ष मे. टिकेन्द्रदल देवान, ब्रिटिश गोर्खा भूतपूर्व सैनिक संघया कार्यवहाक सभापति सन्तोष थलङ, नेपाल भूतपूर्व सैनिक संघ यूकेया अध्यक्ष केशबहादुर गुरुङ व संयुक्त ब्रिटिश गोर्खा भूतपूर्व सैनिक संघ युकेया प्रवक्ता ज्ञानराज राईं ल्हाःचिं तयादीगु दु ।
ज्ञापनपत्रय् बिदेशय् च्वंपिं गोर्खातय् सामाजिक व आर्थिक पक्ष जक मखु नेपाललिसेया सम्वन्ध अन्य गैरआवसीय नेपाःमि स्वयां पाःगु दावी यानातःगु दु । नेपाल सरकारं मेपिं गैरआवसीय नेपालीतय् तुलनाय् बि्रटिश गोर्खातय्गु बिशिष्ट परिस्थितीयात ध्यान बिइमाः धयातःगु दु ।
लण्डनको केनिसटन स्थीत नेपालया राजदूतावासय् ज्ञापनपत्र ग्रहण यासें राजदूत डा. चालिसें थःगु हकहितया लागि छप्पँ जुयाः नह्याःगुलिं गोर्खात प्रति लसता प्वंकादिल ।
