माओवादीयात आतंकित यायेत बम विष्फोट
एकीकृत नेकपा (माओवादीं) वंगु जेठ १५ गते सिन्धुपाल्चोकया फुल्पिङकोटय् जूगु बम विष्फोट माओवादीयात आतंकित व उत्तेजित यायेगु षड्यन्त्र जूगु ठहर याःगु दु ।
एकीकृत नेकपा (माओवादी) सिन्धुपाल्चोकं मंगलवाः येँय् पत्रकार सम्मेलन यानाः घटना नियोजित रुपं नेकपा (एमालें) याकूगु द्वपं ब्यूगु दु । पत्रकार सम्मेलनय् एकीकृत माओवादी सिन्धुपाल्चोकया सेक्रेटरी चन्द्रबहादुर थापां शान्ति प्रकृया स्यंकेत क्रियाशील जुयाच्वंपिं थंज्यापिं दोषीतय्त तत्काल कडा कारवाही यायेत व घाःपाः जुपिंत उचित क्षतिपूर्ति बीत नं माग याःगु दु ।
जेठ १५ गते एकीकृत माओवादी सिन्धुपाल्चोकया कार्यकर्ता निरबहादुर तामाङया छेँय् बम विष्फोट यावलय् वयेकया जहान राजकुमारी व म्हयाय् प्रमिला तामाङ घाःपाः जूगु खः ।
अथेहे, थौं हे एमालें छगू पत्रकार सम्मेलन यानाः थुकी थःगु ल्हाः मदुगु धासें आपत्ती प्वंकूगु दु ।
