चर्चय् बम विष्फोट याम्ह ज्वन

यलया धोवीघाटय् च्वंगु एजम्सन चर्चय् बम विष्फोट याःगु आशंकाय् प्रहरीं सीता थापा श्रेष्ठयात ज्वंगु दु ।

प्रहरीं येँय् ज्ञानेश्वरय् च्वनीम्ह नीन्ह्य्दँया श्रेष्ठयात न्हू बानेश्वरं ज्वंगु खः । चर्चय् प्रार्थना यानाच्वंगु ईलय् वंगु चैत ९ गाते श्रेष्ठं प्रेशरकुकर बम दुगु झोला त्वताः पिहांवंगु छुं ई लिपा हे बम विष्फोट जूगु प्रहरी दावी याःगु दु ।

महानगरीय प्रहरी आयुक्तया ज्याकू रानीपोखरीं मंगलवाः पत्रकार सम्मेलन यानाः श्रेष्ठं घटनाय् थःगु संलग्नता दुगु खँ स्विकार याये धुंकूगु खँ धा:गु दु । श्रेष्ठ हिन्दू राष्ट्र बचाउ समिति, नेपाल डिफेन्स आर्मी लगायत संस्थाय् आवद्ध दुगु खँ नं प्रहरीं पत्रकार सम्मेलनय् जानकारी ब्यूगु खः ।

वंगु ९ गते जूगु विष्फोटय् लानाः स्वम्ह सीगु खसाः झिंस्वम्ह मनूत घाःपाः जूगु खः ।