'सेनाय् मधेशी भर्ना तत्काल कार्यान्वयन यायेमते'
सर्वोच्च अदालतं नेपाली सेनाय् मधेशी बटालियन दयेकेगु नापं मधेशीतय्त भर्ना यायेगु निर्णय तत्काल कार्यान्वयन मयायेत सरकारयात निर्देशन बिउगु दु । चुरे भावर राष्ट्रिय एकता पार्टी नेपालं दायर याःगु रिटय् सुनुवाई यासें सर्वोच्चं सरकारया नामय् उगु आदेश बिउगु खः । चुरे भावरं सरकारया निर्णय मौलिक हक विरोधी जूगु धासें खारेज यायेमाःगु माग यानाः शुक्रवाः सर्वोच्च अदालतय् रिट दायर याःगु खः ।
थ्वस्वयां न्ह्यः सेनाय् मधेशीतय् समुहगत भर्ना यायेगु सरकारया निर्णय प्रति तच्वःगु विरोध जुइवं सरकारं खुल्ला धेंधेंबल्लापाखें हे मधेशीतय्त सेनाय् भर्ना यायेगु खँ सार्वजनिक याःगु खः ।
