जिं तानाशाही ज्या यानागु मदु : कोइराला
नेपाली कांग्रेसया सभापति शुशिल कोइरालां थःम्हं पार्टी दुने छु नं कथंया तानाशाही ज्या मयानागु धयादिसें थः तानाशाह मजूगु खँ धयादीगु दु ।
सोमवाः येँय् मजदुर युनियनया ज्याझ्वल् न्ववानादिसें वय्कलं पार्टी दुने थःम्ह छुं नं तानाशाह लादे मयानागु स्पष्ट यानादिल । पार्टी दुने तानाशाह लादे याःगु धकाः कांग्रेसया वरिष्ठ नेता शेरबहादुर देउवां द्वपं बियाच्वंगु इलय् कोइरालाया थःज्यागु प्रतिक्रिया वःगु खः ।
कोइरालां थःम्हं लोकतान्त्रिक ढंगं व पार्टीया विधान कथं हे ज्या यानाच्वनागु दावी यानादिल । थःम्हं पार्टीइ समान ढंगं ज्या याना नं तानाशाह लादे याःगु धका टिप्पणी जुयाच्वंगु प्रति दुःख प्वंकादिल ।
