नायःया दस्तावेज सारसंग्रहवादी : बादल
एकीकृत नेकपा (माओवादी)या मूछ्याञ्जे रामबहादुर थापां
'बादलं' नायः पुष्पकमल दाहाल 'प्रचण्डं' केन्द्रीय समितिया बैठकय् शनिवाः न्ह्यब्वयादीगु राजनीतिक दस्तावेजयात फुक्क सारसंग्रहवादी जूगु बिचाः प्वंकादीगु दु । नायः प्रचण्डं पार्टीदुने विकसित संकट व उकिया समाधानया निंतिं राजनीतिक प्रस्ताव न्ह्यब्वयादीगु खः ।
आइतवाः छगू रेडियो लिसें खँल्हानादिसे मूछ्याञ्जे बादलं नायःया दस्तावेजं माक्र्सवाद व आध्यात्मवादी चिन्तनयात विरोधाभाष पूर्ण तरिकां संश्लेषण यायेत स्वःगु धयादिल । नायःया दस्तावेजं पार्टी व नेतृत्वयात बिचाः निसें ब्यागलं यायेत स्वःगु धयादिसें बादलं विधि, बिचाः व राजनीतिक फुक्क कोणपाखें नायःया दस्तावेज गलत जूगु दावी यानादिल । वय्कलं नायःया दस्तावेजं नेपाली क्रान्तियात फाइदा मयाइगु नापं प्रष्ट यानादिल ।
मू छ्याञ्जे बादलं नायःया दस्तावेजया रुपय् दक्षिणपन्थी थंज्याःगु खनेदुसां नं सारत मध्यपन्थी बिचाः क्वःबियाः वःगु नापं न्ह्यःथनादिल ।
