मंकाः सरकारया मंकाः ज्याझ्वः तयार
येँ / (सन्ध्या टाइम्स) सरकार संचालनया निंतिं न्यूनतम मंकाः ज्याझ्वः दयेकेत गठित प्यंगू दलया कार्यदलं थौं थःपिनि ज्यायात अन्तिम रुप बिउगु दु । कार्यदलं दयेकूगु सुझावयात कयाः प्यंगू दलया शीर्ष नेतातय् बैठकं सहलह याइ तिनि ।
प्यंगू दलं उकियात अनुमोदन यायेधुंकाः थौं हे च्वनीगु नीनिगू दलया बैठकय् न्ह्यब्वयेगु तयारी जुयाच्वंगु दु । २२ दलया बैठकं उकियात माःगु संशोधन याइगु खँ दु । प्रधानमन्त्री माधव नेपालं मन्त्रिपरिषद विस्तार यायेगु निंतिं थौं २२ दलया बैठक सःतातःगु दु । थौंया बैठकय् सहमति जुल धाःसा कन्हय् तकया दुने मन्त्रिमण्डलयात पूर्णता बीगु जुइ धाःगु दु ।
न्यूनतम मंकाः समझदारीइ शान्ति प्रकि्रयायात निष्कर्षय् थ्यंकेगु राष्ट्रिय सहमतिया आधारय् स्वायत्त राज्य पुनस्रंरचना यायेगु न्हापा थीथी पुचःतलिसे जुयाच्वंगु सहमति समझदारीत कार्यान्वयन यायेगु बेसाःभाः नियन्त्रण यायेगु जनतायात जुयाच्वंगु थीथी समस्या ज्यंकेगु आदि खँ दुथ्याः ।
