लुँ वह व्यवसायीत हानं आन्दोलित

लुँ वह व्यवसायीत असुरक्षित जूगु धासें देय्न्यंकया लुँ वह व्यवसायीत हानं आन्दोलित जूगु दु । छुं ई न्ह्यः जक यलया पुल्चोस्थित गुण ज्यासः पसःया जुजुभाइ बज्राचार्यया हत्यया विरोधय् आन्दोलित जूपिं व्यवसायीत शुक्रवाः हानं मेम्ह लुँ व्यवसायीया हत्यां आक्रोशित जूगु दु ।

शुक्रवाः बहनी कपन मिलन चोकस्थित माता मनकामना सुनचाँदी पसःया हर्कबहादुर दियालेयात स्याःगु विरोधय् शनिवाः च्वंगु लुँ वह व्यवसायीतय् मुँज्यां आन्दोलनया घोषणा याःगु खः । आन्दोलन कथं व्यवसायीतय्सं शनिवाः येँया कपनय् विरोध र्‍याली पिकायेगु, आइतवाः स्वनिगःया फुक्कं लुँ वहः पसः बन्द यायेगु व हानुमानढोकास्थित महानगरिय प्रहरी परिसर तक र्‍याली पिकाइगु जूगु दु ।

अथेहे आइतवाः हे प्रधानमन्त्री व गृहमन्त्रीयात नापलाना लुँ वह व्यवसायीतय् सुरक्षाया माग यासें ज्ञापनपौ लःल्हाइगु ज्याझ्वः दु ।