ठमेलय् वनेगु अपराध मखु : उद्योग राज्यमन्त्री
उद्योग राज्यमन्त्री रोवारी राय यादवं ठमेलय् बुधवाःबहनि छु नं अनैतिक ज्या मयानाःगु दाबी यानादीगु दु । सिंहदरवारया उद्योग मन्त्रालयस सञ्चारकर्मि नापं खँल्हाबंला यायेगु झ्वलय् यादवं थः होटलया छगू ज्याझ्वलय् ब्वति कायेत वनागु खँ धयादिल । यादवं थः पासाया ब्वनापौलय् होटलय् वनागु व मिसा ज्वःना होटलया कोठाय् मच्वनागु खँ स्पष्ट यानादिल । नापं वय्कलं सुं नं मन्त्री ठमेलय् वनेगु अपराध मजुइगु जिकिर यानादिसें यदि थःम्ह छु नं मखूगु ज्या यानागु प्रमाण बिउसाः राज्यमन्त्री व सभासद् राजीनामा बिइगु धयादिल ।
राज्यमन्त्री यादव बुधवाः बहनि निम्ह मिसानापं ठमेलया होटलय् अय्ला त्वनाच्वंगु लूगु खः । यादव मिसानापं लठ्ठ जूगु धासें थीथी सञ्चार माध्यमं वय्कःया किपा सहितया बुखँ सार्वजनिक याःगु खः ।
