एमाले स्थायी समिति बैठक सुरू
नेकपा (एमाले)या स्थायी समितिया बैठक शुक्रवाः न्ह्याःगु दु । पार्टी केन्द्रिय ज्याकु बल्खुइ न्ह्याःगु बैठकय् नायः झलनाथ खनालं पार्टीया फुक्क नेतातय्त एकतावद्ध दयेकाः यंकेत व पार्टीयात सुदृढ दयेकेत न्ह्यब्वयादीगु आन्तरिक एकता सुदृढीकरण सम्वन्धि प्रस्तावया विषयसं सहलह जूगु खः ।
नायः खनालया प्रस्तावय् आःया हाथ्यालिसें न्ह्यज्यायेगु निंतिं पार्टीया शीर्ष नेतातय्गु दथुइ एकता कायम जुइहे माःगु व विवादास्पद विषयसं उच्चस्तरीय संयन्त्र दयेकाः समाधान मालेमाःगु लगायतया विषयत दुथ्याःगु जानकारी पार्टी स्रोतं बिउगु दु ।
अथेहे प्रस्तावय् नेता केपी शर्मा ओलीयात पार्टीया वरिष्ठता क्रमय् स्वंगूगु थासय् तयेगु व संविधानसभाया सभासद् दयेकीगु थेंज्यागु विषयत नं न्ह्यथनातःगु दु ।
