गृह, रक्षा व अर्थ एमालें काइगु
येँ / (सन्ध्या टाइम्स) न्हूगु सरकारया रक्षा, अर्थ व गृह मन्त्रालय एमालें हे काइगु जूगु दु । थौं सुथय् सत्तासाझेदारी दलतय्त छु छु मन्त्रालय बीगु धकाः बालुवाटारय् च्वंगु एमालेया शीर्ष नेतातय् बैठकं उगु निर्णय याःगु खः ।
बैठकय् उपप्रधानमन्त्री सहित केपी ओलीयात गृह मन्त्रालय बीगु खँ जूगु खःसां ओलीं धाःसा उकियात अस्विकार याःगु खँ सूत्रं धाःगु दु । गृहमन्त्री जुइत अस्वीकार यासें ओलीं थः निकः निकः एसएलसी फेल जुइधुंकूगुलिं हाकनं परीक्षा बीत थः इच्छुक मजुयागु खँ धयादीगु खः ।
बैठकय् प्रधानमन्त्री माधव नेपाल अध्यक्ष झलनाथ खनाल कोपी ओलीपिं दुथ्याःगु खः ।
उखे सरकारय् वनीपिनि नां धलः तयार यायेत थौं नं कांग्रेसया बैठक च्वनाच्वंगु दु । सभापति कोइराला छेँय् च्वनाच्वंगु बैठकय् एमालेया मन्त्रीतय् नांधलः वयेधुंकाः जक थःपिनि नां बीगु सहलह जूगु दु ।
काग्रेस व एमालें कन्हय् न्हिनय् तकया दुने सरकारयात पूर्णता बीगु तयारी यानाच्वंगु दु । २० गतेनिसें माओवादीं आन्दोलन घोषणा याःगुिलं व स्वयां न्ह्यः हे सरकार गठन यायेगु तयारी जुयाच्वंगु खँ धाःगु दु ।
