कर्नर गुदपाक भण्डारय् हाकनं सिलबन्दी

मुद्दा क्वःमचायेकं हाकनं गुदपाक मिइगु ज्या याःगु धासें न्यूरोडया कर्नर गुदपाक भण्डारय् वाणिज्य विभागं हाकनं सिलबन्दी याःगु दु । मोहनि न्ह्यः हे अनुगमन याःबलय् अखाद्य पदार्थ ल्वाकः छ्याना गुदपाक दयेकूगु लुयाःवयेवं विभागं कर्नर गुदपाक भण्डारय् सिलबन्दी यानाः कारबाही प्रक्रिया न्ह्यःने न्ह्याकूगु खः ।

तर छुं दिं न्ह्यःनिसें मुद्दा क्वःमचायेवं हे सञ्चालकं हाकनं सञ्चालन यायेवं बिहीवाः विभाग, जिल्ला प्रशासन ज्याकू येँ, खाद्य लिसे गुण नियन्त्रण विभाग व उपभोक्ता अधिकारकःमिया पुचलं छापा मारय् यानाः सिलबन्दी याःगु वाणिज्य विभागया ल्यू छ्याञ्जे टीकाप्रसाद भण्डारीं जानकारी बियादिल ।