माघं निसें विद्युत महसुल २० प्रतिशतं अप्वयेकीगु
वार्षिक न्हय्गू अर्ब घाटाय् वनाच्वंगु नेपाल विद्युत प्राधिकरणं वइगु माघ १ गते निसें विद्युत महसुल २० प्रतिशतं अप्वयेकीगु जूगु दु । प्रधानमन्त्री डा. बाबुराम भट्टराईं विद्युत महसुल अप्वयेकीगु सैद्धान्तिक सहमति प्वंकूगुलिं महसुल अप्वइगु निश्चित जूगु दु ।
विद्युत महसुल निर्धारण आयोगया अध्यक्ष गणेशप्रसाद सुब्बां बुधवाः प्रधानमन्त्रीयात नापलाना २० प्रतिशत विद्युत महसुल अप्वयेकेत सुझाव बियादीगु खः । नापलाय् ज्याय् सुब्बां महसुल अप्वयेके माःगु बारे जानकारी याकूगु खः ।
प्रधानमन्त्री भट्टाराई नापलाये धुंकाः सुब्बां प्रधानमन्त्रीं माघ १ गते निसें २० प्रतिशत विद्युत महसुल अप्वयेकत सैद्धान्तिक सहमति प्वंकूगु जानकारी बियादिल ।
