छगू करोड नक्कली भारु सहित स्वम्हेसित ज्वन
नेपाल प्रहरीं छगू करोड २२ लख नक्कली भारतीय ध्यबा सहित छम्ह नेपाःमि व निम्ह विदेशी नागरिकयात ज्वंगु दु ।
येँया कलंकीइ प्रहरीं खोटाङया दिपबहादुर नेपाली, भारतीय नागरिक नसिम आलम व फिलिपिनो नागरिक डेनिज सेनचेजयात बुधवाः ज्वंगु खः । प्रहरी प्रधान ज्याकूया प्रतिआतंकवाद सेल व महानगरीय प्रहरी बृत्त कामिमाटीया पुचलं स्वम्हेसित कलंकीया मकालु पेट्रोल पम्प नापसं ज्वंगु खः ।
प्रहरीया कथं दुबईं न्हू दिल्ली जुयाः येँ थ्यंकवःम्ह फिलिपिनो नागरिक सेनचेजं उगु नक्कली ध्यबा ज्वना वःगु खः । सेन्चेजं नक्कली ध्यबा बिस्कुटया प्याकेटय् सुस्का हःगु खः ।
