गच्छदार पक्षं सरकारयात ब्यूगु समर्थन लित कायेगु ख्याच्वः
मधेशी जनअधिकार फोरमया संसदीय दलया नेता विजय कुमार गच्छदार पक्षं माधव कुमार नेपालं नेतृत्व याःगु सरकारयात ब्यूगु समर्थन लित कायेगु ख्याच्वः ब्यूगु दु ।
सरकारय् ब्वति कायेत फोरम संसदीय दलया नेता गच्छदारया नेतृत्व ब्वति कायेगु धकाः नां ढल लःल्हाये धुकां नं प्रधानमन्त्री नेपालया पाखें छुं नं च्यूता मतःगु धासें थंज्याःगु ख्याच्वः ब्यूगु खः ।
फोरमय् गच्छदार पक्षया स्वीनिम्ह सभासदतय्सं नेपालयात प्रधानमन्त्री देयेकेत तःधंगु ल्हाः दुगु तर आः वयाः सरकारं गच्छदार पक्षयात बेवास्ता याःगु धासें सरकारयात ब्यूगु समर्थन लित कायेगु ख्याच्वः ब्युगु खः ।
थ्वः स्वयां न्ह्यः शनिवाः फोरमया केन्द्रीय समितिया बैठकय् पार्टी अध्यक्ष उपेन्द्र यादवं प्रमुख दलत कांग्रेस व एमालें थःगु पार्टी तछ्यायेत स्वयाच्वंगु धासें अथे मयासाः सरकारयातं पार्टी याःगु समर्थत लितः कायेगु खँ धयादीगु खः ।
