भाडाया बसं उर्जा मन्त्रीया गाडीयात ठक्कर
उर्जामन्त्री पोष्टबहादुर बोगटी गयाः वनाच्वंगु गाडीयात मंगलवाः छगः भाडाया बसं ठक्कर बिउगु दु । न्हू बानेश्वरं एयरपोर्टपाखे वनाच्वंगु बा. १. ख. ९३५३ नम्बरया बसं मन्त्री बोगटीया बा. १. झ. ७१९६ नम्बरया गाडीयात तीनकुनेय् ठक्कर बिउगु खः । ठक्करं मन्त्रीया गाडीया ल्यूनेया ब्वय् क्षति जूगु ट्राफिक प्रहरी महाशाखां जानकारी बिउगु दु ।ठक्कर बिइवं ट्राफिक प्रहरीं मन्त्रीया गाडी व भाडाया बस लिसे चालकतय्त नियन्त्रणय् काःगु खः ।
