संसद सुचारु यायेगु बारे प्रधानमन्त्री व सभामुख दथुइ खँल्हाबंला

प्रधानमन्त्री माधवकुमार नेपाल व सभामुख सुवास नेम्वाङ दथुइ सोमवाः सनिलय् खँल्हाबंला जूगु दु ।

प्रधानमन्त्री निवस बालुवाटारय् जूगु खँल्हाबंलाय् माओवादीं अवरोद्ध यानाच्वंगु संसद सुचारु यायेगु बारे सहलह जूगु खँ प्रधानमन्त्रीया प्रेस सल्लाहाकार विष्णु रिजालं जानकारी बियादिल ।

माओवादीं राष्ट्रपतिया पलाः विरुद्धया संकल्प प्रस्तावयात सहलह यायेत संसदय् मयंकेगु सभामुखया निर्णय लिपाः माओवादीं संसद अवरुद्ध यानाच्वंगु दु । सहलहलय् माओवादीया कारण अवरोद्ध जूगु संसद सुचारु यायेगु व राजनीतिक सहमतिया निंतिं पहल यायेगु विषयस खँ जूगु खः ।