भारतीय राजदूतं कोइराला व ओलीयात नापलात

भारतीय राजदूत राकेश सुदं नेपाली कांग्रेसया सभापति गिरिजाप्रसाद कोइराला व नेकपा एमालेया प्रभावशाली नेता केपी शर्मा ओलीयात नापलाना मन्त्रिमण्डल विस्तार बारे खँल्हाबंला यानादीगु दु ।

सोमवाः कोइराला निवास वनाः राजदूत सुदं मन्त्रिमण्डल गठन यायेत यक्व ई काय् मज्यूगु धासें अथे जुसाः शान्ति प्रकृयाय् तकं असर लाइगु धासें याकनं मन्त्रिमण्डल गठन यायेत इनाप यानादीगु खः । अथेहे सुद व कोइराला दथुइ लिपांगु राजनीतिक घटनाक्रमया बारे नं खँल्हाबंला जूगु खः ।

अथेहे थौं हे राजदूत सुदं एमाले नेता ओली नापलाना नं मन्त्रिमण्डल विस्तारया बारे खँल्हाबंला यानादीगु खः ।