दलित हत्या विरुद्धय् थौं वाग्लुङ बन्द

तथाकथित थजातया भुतू थ्यूगु आरोपय् कालिकोटया छम्ह क्वजातया मनू मानवीर सुनार स्याःगु आरोपय् थौं बागलुङ जिल्ला बन्दया आह्वान यानातःगु दु । दलित उत्पीडित सञ्जालया आह्वानय् जूगु बन्दया कारणं सुथंनिसें अनया जनजीवन प्रभावित जूगु दु ।

बन्दया कारणं सदरमुकाम बागलुङ बजारं दुहांपिहां जुइगु यातायात बन्द जूगु दुसा अन पसः व शिक्षण संस्था नं ठप्प जूगु खँ पोखराया जिमि संवाददाता पुष्ष श्रेष्ठं न्ह्यथंगु दु ।

बन्द आह्वानकर्तातय्‌सं क्षतिपूर्तिया माग यासें यदि सरकारं अझ नं च्यूताः मक्यन धाःसा आन्दोलन तच्वयेकेगु धाःगु दु ।