दासता उन्मुलनया लागि गुगलपाखें एक करोड डलरया चन्दा

Posted on Wed Dec 14, 2011 10:39 pm NST

वर्तमान इलय् न्ह्यानाच्वंगु थीथी कथंया दासता उन्मुलनया लागि नांजाःगु टेक्नोलोजी कम्पनी गुगलं एक करोड १५ लाख डलर चन्दा बिइगु घोषणा याःगु दु । गुगलं थीथी प्रोजेक्टया लागि थ्व चन्दा बिइत्यंगु खः ।

गुगलया कथं भारतय् जुयाच्वंगु बलजफ्ति कथंया श्रम उन्मुलनया ग्वहालि कथं ३५ लाख डलर, भारतय् शिक्षाया लागि ४५ लाख डलर, विश्व दासता मुक्तिया लागि अमेरिकनतय्त सकि्रय यायेगु ज्या या लागि १८ लाख डलर बिइगु धाःगु दु । बाँकि १७ लाख डलर दासता विरुद्ध ज्या यानाच्वंगु थीथी चिचीधंगु संघसंस्थायात बिइगु खँ नं विक्तप्तिइ न्ह्यथनातःगु दु ।