क्षयरोग निवारण संस्थाया २९ क्वःगु तःमुँज्या
थिमि / (सन्ध्या टाइम्स) नेपाल क्षयरोग निवारण संस्थाया च्याक्वःगु महाधिवेशन व २९ क्वःगु केन्द्रीय अधिवेशन थिमिया कृषि विकास बैंकया तालिम केन्द्रय् क्वचाल ।
नेपाल क्षयरोग निवारण संस्थाया अध्यक्ष देवेन्द्रबहादुर प्रधानया सभापतित्वय् जूगु ज्याझ्वलय् राष्ट्रिय क्षयरोग केन्द्रया प्रमुख डा. पुष्पा मल्ल सार्क क्षयरोग तथा एच.आइ.भी. केन्द्रया प्रमुख डा. काशि कान्त झा व संस्थाया पुलांम्ह अध्यक्ष कमल राणापिंसं भिन्तुना देछानादीगु खः । ज्याझ्वलय् मदुम्ह डा. नारायण गोविन्द अमात्य सिरपाः स्थापना यायेगु निंतिं डा. रोशना अमात्यं संस्थाया अध्यक्ष देवेन्द्रबहादुर प्रधानयात चेक लःल्हानादिल ।
