स्यनाच्वंगु सुरक्षा अवस्थाबारे च्यूताः

राजधानी लगायत देय्या थीथी थासय् हत्या अपहरण थेंज्याःगु घटनाय् वृद्धि जुयाः वयेवं संसदया राज्य ब्यवस्था समितिं च्यूताः क्यंगु दु ।

देय्या स्यनाच्वंगु सुरक्षा स्थितिया विषयलय् जानकारी कायेत सम्बद्ध पक्षया अधिकारीतय्त राज्य ब्यवस्था समितिं सःतूगु दु । समितिया कार्यकक्षय् च्वंगु बैठकय् उपप्रधान लिसे गृहमन्त्री विजयकुमार गच्छेदारलिसे सुरक्षा अंगया प्यंगुलिं प्रमुखतय्त सःतूगु समितिया सभापति रामनाथ ढकालं जानकारी बियादिल ।

बैठकं सुरक्षा स्थिति सुधारया नितिं प्रभावकारी रणनीति छ्यलेत निर्देशन बीगु सभापति ढकालं जानकारी बियादिल ।