सेना समायोजन सचिवालययात निर्देशन

सेना समायोजन विशेष समितिया थौंया वैठकं सेना समायोजन, स्वैच्छिक अवकाश व पुर्नस्थापनाय् वनीपिं जनसेनाया प्रकृया निर्धारणया नितिं प्रस्ताव तयार यायेत सेना समायोजन सचिवालययात निर्देशन ब्यूगु दु ।

समितिया ज्याकू बानेश्वरय् थौं च्वंगु बैठकं वइगु पुस १ गतेतक्क प्रस्ताव तयार यायेत सचिवालययात निर्देशन ब्यूगु खः । विशेष समितिया थौंया बैठकं पूर्नवर्गीकरणय् त्वःफ्यूपिं सेनाया मंसिर २८ व २९ गते पुर्नवर्गीकरण यायेगु निर्णय नं याःगु दु । थौंया वैठकय् शिविरयात गुकथं व्यवस्थित यायेगु धइगु बारे नापं सहलह याःगु खः ।

पुर्नवर्गीकरणय् वनीपिं सेनाया ल्याः अप्वयेकेगु बारे बैठकय् सहलह जूसां नं सहमति धाःसा जुइमपूmगु समिति दुजः लिसे एमाले नेता भीम रावलं जानकारी बियादीगु खः । ल्याः अप्वयेकेगु विषयलय् राजनीतिक तहलय् सहलह यायेगु निष्कर्षय् थ्यंगु अर्थमन्त्री वर्षमान पुनं जानकारी बियादिल । समितिया मेगु बैठक पुस १ गते हाकनं च्वनीगु जूगु नापं जानकारी ब्यूगु खः ।

सचिवलायलया कथं झिंखुद्वः व गुसः ख्वीप्यम्ह लडाकु वर्गीकरणय् ब्वति काःगुलिइ गुद्वः व खुसः व गुइम्हसिनं समायोजन ल्यःगु खः । अथेहे न्ह्यद्वः व निसः व च्यय्खुम्हसिनं स्वेच्छिक अवकाश व खुम्हसिनं पुर्नस्थापना ल्यःगु खः ।