कोरिया सरकारं ७४ करोड ग्वाहालि
नेपाल सरकारयात कोरिया सरकारं निगू परियोजनाया निंतिं करिब ७४ करोड धेबा अनुदान ग्वाहालि बिइगु जूगु दु । कोरिया सरकारं काठमाण्डौ विश्वविद्यालयया प्राविधिक तालिम केन्द्र नीस्वनेत व कैलालीया टिकापुरय् स्वास्थ्य सेवा सुधार ज्याझ्वःयात ग्वाहालि यायेगु सहमति याःगु खः ।
सम्झौतापत्रलय् शनिवाः नेपाःया पाखें अर्थसचिव कृष्णहरी बाँस्कोटा व कोरियाया पाखें नेपालया निंतिं कोरियाया राजदूत इल दो किमं ल्हाचिं तयादिगु खः । ग्वाहालि कथं बिउगु धेबा मध्ये २८ करोड ७० लखं प्राविधिक तालिम केन्द्र नीस्वनीगु व ४५ करोड १० लख स्वास्थय सेवा सुधारया निंतिं खर्च यायेगु खँ अर्थ मन्त्रालयं धाःगु दु ।
