पुलाम्ह प्रम नेपालं सुविधाया गाडी लितबिल
पुलाम्ह प्रधानमन्त्री माधवकुमार नेपालं छ्यलावयाच्वंगु सरकारी गाडी, पछुवा गाडी व सुरक्षाकर्मी लित बिउगु दु । थौं सुथय् नेपाल सरकारया मुख्य सचिव माधवप्रसाद घिमिरेयात फोन याना नेपालं थःयात बियातःगु सुविधाया गाडी व सुरक्षाकर्मी लितकयंकेत इनाप यागु खः । थौं येँया गोठाटारय् मदन आश्रित स्तृति उले ज्याझ्वलय् नेपालं सुविधाया गाडी व सुरक्षाकर्ती मछ्यसें हे अन झाःगु खः । नेता नेपाल सरकारी सुविधाया गाडी लित बिउम्ह न्हापाम्ह नेता जुयादीगु दु । सरकारी सुविधाया गाडी लितबिइमाःपिनि झ्वलय् एकिकृत (माओवादी)या अध्यक्ष पुष्पकमल दाहाल 'प्रचण्ड', कांग्रेस सभापती सुशील कोइराला, शेरवहादुर देउवा, भीम रावल नापं छगू दर्जनं अप्वः नेतात दी ।
