सुविधा कटौति यायेत सर्वौच्वया आदेश
सर्वोच्च अदालतं पुलाम्ह प्रधानमन्त्रीपिं, पुलाम्ह राजपरिवार दुजः, मन्त्री, नेता व सभासदं कयावयाच्वंगु अप्वगु सुविधा कटौति यायेगु फैसला याःगु दु । न्ययाधीशपिं अवधेशकुमार यादव व भरतराज उप्रेतीया इजलासं कानुनं तोकेयागुसिबय् सुविधा कायेगु गैरकानुनी धासें कटौतिया फैसला यागु दु ।
सरकारी ज्यालय् मदुपिं पुलाम्ह प्रधानमन्त्री नापं राजपरिवारया पुलाम्ह दुजः व राजनैतिक दलया सभापति व राजनैतिक दलनापं आवद्ध जुयाच्वपिं मनुतय्त कानूनया अख्तियारी मदेकं भौतिक सुविधा व मेंमेंगु सुविधात बियेगु कानूनी अख्तियार मदुगु व कानूनी अख्तियारया आधारित मजुसें स्वइच्छा, गैरकानूनी व विभेदकारी जुगुलिं थःहुनिसें सुविधा कटौति स्वतः बदर जुइगु निर्णय धयातगु दु ।
