स्वनिगः बर्डफ्लु मुक्त जूगु दाबी

सरकारं आःतक्क याःगु संकतिन नमुना परीक्षण याःबलय् एभियन एन्फ्लुएन्जा (बर्डफ्लु) लुयाःवःगु दाबी याःगु दु । पशु सेवा विभागं थौं पत्रकार सम्मेलन यानाः स्वनिगः लिसे पिनेया जिल्लाय् बर्डफ्लु मदुगु दाबी यासें पशुजन्य वस्तु उपभोग यायेत इनाप याःगु दु । आःतक्क देय्या मेमेगु भागपाखें संकलित नमुना परीक्षण याःबलय् गनं नं ल्वय्या संकेत मदुगु विभागया महानिर्देशक नरबहादुर रजवारं धयादिल ।

ख्वपया मध्यपुर थिमि नगरपालिका – १६ लोकन्थली मनहरा खुसिलिक्क चन्द्रबहादुर तामाङया खाय् बर्डफ्लु खनेदयेवं उच्च सतकर्ता छ्यःगु खः । उगु क्षेत्रयात संरक्षण क्षेत्र घोषणा यानाः पन्क्षीजन्य पदार्थ लिसे ल्वय् पुनेपूmगु सामाग्रीत नष्ट याःगु खः । पशु सेवा विभागया कथं उगु क्षेत्रया नीगुम्हसिया निसः व स्वीनिम्ह ह“य्, न्ह्यखुम्ह खा, झिंप्यंगः ख्येँय् व निगू केजी दाना नष्ट याःगु खः । रजवारया कथं सरकारं उगु क्षेत्रया व्यवसायीतय्त स्वीगुद्वः व च्यासः व ख्वीनितका धेबा नापं क्षतिपूर्ति बिइधुंकूगु दु ।

थ्वहे दथुइ विभागं ख्वपया लोकन्थली पश्चिम पाखेया क्वय्या भाग, पश्चिम मनहरा खुसि, उत्तर सुकुम्बासी त्वाया दक्षिण सीमाना व दक्षिणय् अरनिको राजमार्गया उत्तरी लिक्कया क्षेत्रय् पीनिन्हुतक्क पशुपन्क्षी लहीत, पन्क्षीजन्य सामाग्रीया भण्डारण यायेत, उपयोग, बिक्री वितरण लिसे ओसारपसार यायेगुलिइ धाःसा पनेगु ज्या जूगु दु ।