सिमान्तकृत समुदायया हक अधिकार प्रतिवेदन पेश

आइतवाः च्वंगु संविधानसभाया बैठकय् अल्पसङ्ख्यक व सीमान्तकृत समुदायया हक अधिकार संरक्षण समितिं अवधारण पौ व मस्यौदा पेश याःगु दु ।

समितिया पाखें सभापति लालबाबु पण्डितं अवधारणा पौ व मस्यौदा न्ह्यब्वयादीगु खः । बैठकय् थ्वस्वयां न्ह्यः राष्ट्रिय हित संरक्षण समितिं न्ह्यब्वःगु अवधारणा पौ व मस्यौदा बारे सहलह याःगु खः ।

सहलहलय् माओवादी सभासद् खिमलाल देवाकोटां जनयुद्धय् बलिदान ब्यूपिंत शहीद धकाः मच्वःगुलिं मस्यौदा पौ अपूर्ण जूगु धयादिल । वयेकलं जनमुक्ति सेनां म्हितुगु भूमिकाया बारे बिस्कं हे अशं न्ह्यथंने माःगु खँय् बः बियादिल ।

अथेहे समितिया अवधारण पौललय् जनमुक्ति सेना धाःगु खंग्वः व झिंच्यादँ दुपिं दक्वं नेपामितय्त सैन्य तालिम बीमाःगु खँय् नेपाली कांग्रेस लगायत छुं दलया सभासदतय्सं असहमति प्वंकूगु ख: ।