वेपत्ता जुइपिनि ल्याः अप्वल
लिपांगु खुसिइ देय्या थीथी जिल्लाय् पीम्ह वेपत्ता जूगु शान्ति लिसे पुनःनिर्माण मन्त्रालय राहत व पुनःस्थापना एकाई सम्बन्धी कार्यदलं जानकारी बिउगु दु । उगु कार्यदलं वि.सं. २०६८ जेठनिसें आःतक्क देय्न्यंक याःगु अध्ययन कथं बर्दियाय् नीखुम्ह मिजं व छम्ह मिसा, प्युठानय् प्यम्ह मिजं, रोल्पाय् स्वम्ह मिजं, कालीकोटय् छम्ह मिजं, धनकुटाय् स्वम्ह मिजं व रौतहटय् छम्ह मिजं यानाः मुक्कं पीम्ह मनूत वेपत्ता जूगु न्ह्यथंगु दु । थुकथं आःतक वेपत्ता जूपिनिगु ल्याः द्वःछि व प्यसः व न्यय्-निम्ह थ्यंगु पुनःस्थापना एकाईं धाःगु दु ।
उखे सशस्त्र द्वन्द्वया झ्वलय् सीपिं व वेपत्ता जूपिं नागरिकया छेँजःपिंत राहत धेबा बिइगु ज्या शुरु यायेधुंकूगु खँ वेपत्ता अपहरण लिसे अपाङ्ग सम्बन्धि राहत शाखाया शाखा अधिकृत पितानाथ लुईंटेलं जानकारी बियादीगु दु ।
